அல்குர்ஆன் பார்வையில் ஸஹாபாக்கள்

இவ்வகையில் ஸஹாபி என்றால் நபித்தோழர் என்பது அர்த்தமாகும். அல்லாஹ்வின் தூதரின் தோழர்களாக அல்லாஹ்வால் தேர்ந்தெடுக்கப்பட்டவர்களாக அவர்கள் இருப்பதே அவர்களின் சிறப்பிற்கும். அந்தஸ்த்திற்கும், நேர்வழிக்கும் சிறந்த எடுத்துக்காட்டாகும்.

”மிகப்பெரும் சாட்சியம் எது?’ என்று (நபியே) நீர் கேட்டு, ‘அல்லாஹ்வே எனக்கும் உங்களுக்குமிடையில் சாட்சியாளன்’ என்று கூறுவீராக!’ (6:19)

01. ‘நிச்சயமாக உங்களிடம் அல்லாஹ்வின் தூதர் இருக்கிறார் என்பதை அறிந்து கொள்ளுங்கள். அவர் உங்களுக்கு அதிகமான விடயங்களில் கட்டுப்பட்டிருந்தால் நீங்கள் சிரமப்பட்டிருப்பீர்கள். எனினும், அல்லாஹ் உங்களுக்கு ஈமானை நேசத்திற்குரியதாக ஆக்கி, அதனை உங்களது உள்ளங்களில் அழகுபடுத்தினான். மேலும், நிராகரிப்பையும், பாவம் செய்வதையும், மாறு செய்வதையும் அவன் உங்களுக்கு வெறுப்புடையதாக ஆக்கினான். அவர்கள்தாம் நேர்வழி பெற்ற வர்கள்’ (49:7)

02. ‘மனிதர்களுக்காகத் தோற்றுவிக்கப்பட்ட சிறந்த சமுதாயமாக நீங்கள் இருக்கின்றீர்கள். (ஏனெனில்) நீங்கள் நன்மையை ஏவுகின்றீர்கள். தீமையை விட்டும் தடுக்கின்றீர்கள். மேலும், நீங்கள் அல்லாஹ்வை நம்பிக்கை கொள்கின்றீர்கள்’ (3:110)

03. ‘அவர்கள் உமக்குச் சதி செய்ய நாடினால் நிச்சயமாக அல்லாஹ்வே உமக்குப் போதுமானவன். அவனே தனது உதவியினைக் கொண்டும், நம்பிக்கையாளர்களைக் கொண்டும் உம்மைப் பலப்படுத்தினான்’ (8:62)

04. ‘ எவர்கள் நம்பிக்கை கொண்டு, ஹிஜ்ரத் செய்து, அல்லாஹ்வின் பாதையில் அறப் போரும் புரிந்தனரோ அவர்களும், எவர்கள் புகலிடம் அளித்து, உதவியும் செய்தார்களோ அவர்களுமே உண்மையான நம்பிக்கையாளர்களாவர். அவர்களுக்கு மன்னிப்பும், கண்ணியமான ஆகாரமும் உண்டு’ (8:74)

05. ‘இத்தூதர் தனது இரட்சகனிடமிருந்து தனக்கு இறக்கப்பட்டதை நம்பிக்கை கொண்டுள்ளார். முஃமின்களும் (நம்பிக்கை கொண்டுள்ளனர். அவர்கள்) அனைவரும் அல்லாஹ்வையும், அவனது வானவர் களையும், அவனது வேதங்களையும், அவனது தூதர்களையும் நம்பிக்கை கொண்டுள்ளனர். ‘அவனது தூதர்களில் எவருக்குமிடையில் வேறுபாடு; காட்டமாட்டோம். நாம் செவியேற்றோம், கட்டுப்பட்டோம், எங்கள் இரட்சகனே! உனது மன்னிப்பைக் கோருகிறோம். உன்னிடமே மீளுதல் உள்ளது’ என்றும் கூறுகின்றனர்’ (2: 285)

06. ‘(நம்பிக்கை கொண்டோரே!) நீங்கள் எவற்றைக் கொண்டு நம்பிக்கை கொண்டீர்களோ, அதே போன்று அவர்களும் நம்பிக்கை கொண்டால், நிச்சயமாக அவர்கள் நேர்வழி பெறுவர். அவர்கள் புறக்கணித்தால், அவர்கள் முரண்பாட்டிலேயே இருப்பர். எனவே, அவர்களிலிருந்து உம்மைக் காப்பாற்ற அல்லாஹ்வே போதுமானவன். அவன் (யாவற்றையும்) செவியுறுபவனும். நன்கறிந்தவனுமாவான்’ (2:137)

07. ‘எவர்கள் நம்பிக்கை கொண்டு, ஹிஜ்ரத் செய்து, அல்லாஹ்வின் பாதையில் தங்களது செல்வங்களாலும், தங்களது உயிர்களாலும், அறப்போர் புரிந்தார்களோ அவர்களே அல்லாஹ்விடத்தில் மகத்தான அந்தஸ்துக்குரியவர்கள். மேலும், அவர்கள் தான் வெற்றியாளர்களாவர்’ (9:20)

08. ‘தமது இல்லங்களையும், தமது செல்வங்களையும் விட்டும் வெளியேற்றப்பட்ட ஏழை முஹாஜிர்களுக்கும் (பங்குண்டு.) அவர்கள் அல்லாஹ்வின் அருளையும் பொருத்தத்தையும் நாடி அல்லாஹ்வுக்கும் அவனது தூதருக்கும் உதவி செய்கின்றனர். அவர்கள்தாம் உண்மையாளர்கள்’ (59:8)

09. ‘நிராகரித்தோர், தமது உள்ளங்களில் அறியாமைக்கால வைராக்கியத்தை ஏற்படுத்தியிருந்தபோது, அல்லாஹ் தனது தூதரின் மீதும், நம்பிக்கையாளர்கள் மீதும் தனது அமைதியை இறக்கி வைத்தான். மேலும், பயபக்தியின் வார்த்தையை அவர்களுக்குக் கட்டாயப்படுத்தினான். அவர்கள் அதற்குத் தகுதியுடையவர்களாகவும் அதற்குரியவர்களாகவும் இருந்தனர். அல்லாஹ் யாவற்றையும் நன்கறிந்தவனாக இருக்கின்றான்’ (48:26)

10. ‘எவர்கள் நம்பிக்கை கொண்டு, ஹிஜ்ரத் செய்து, அல்லாஹ்வின் பாதையில் தங்களது செல்வங்களாலும், தங்களது உயிர்களாலும், அறப்போர் புரிந்தார்களோ அவர்களே அல்லாஹ்விடத்தில் மகத்தான அந்தஸ்துக்குரியவர்கள். மேலும், அவர்கள் தான் வெற்றியாளர்களாவர்.’

‘அவர்களுக்கு அவர்களது இரட்சகன் தன்னிடமிருந்துள்ள அருளையும், பொருத்தத்தையும், சுவனச் சோலைகளையும் கொண்டு நன்மாராயம் கூறுகின்றான். அவற்றில் அவர்களுக்கு நிலையான இன்பம் உண்டு’ (9:20-21)

11. ‘மேலும், முஹாஜிர்கள் மற்றும் அன்ஸாரிகளில் (ஈமான் கொள்வதில்) முதலாமவர்களாக முந்திக் கொண்டோரையும், அவர்களை நல்ல முறையில் பின்பற்றியோரையும் அல்லாஹ் பொருந்திக் கொண்டான். அவர்களும் அவனைப் பொருந்திக் கொண்டனர். அவன் அவர்களுக்குச் சுவனச் சோலைகளைத் தயார் செய்து வைத்துள்ளான். அவற்றின் கீழ் ஆறுகள் ஓடிக்கொண்டிருக்கும். அதில் அவர்கள் என்றென்றும் நிரந்தரமாக இருப்பார்கள். இதுவே மகத்தான வெற்றியாகும்.’ (9:100)

‘இவர்களுக்குப் பின் வருவோர், ‘எங்கள் இரட்சகனே! எங்களையும், நம்பிக்கை கொள்வதில் எங்களை முந்திவிட்ட எமது சகோதரர்களையும் மன்னிப்பாயாக! இன்னும், நம்பிக்கை கொண்டோர் குறித்து எமது உள்ளங்களில் குரோதத்தை ஏற்படுத்தி விடாதே! எங்கள் இரட்சகனே! நிச்சயமாக நீ மிக்க மன்னிப்பவனும் நிகரற்ற அன்பு டையவனுமாவாய்’ எனக் கூறுவார்கள்’ (59:10)

‘அவர்களில் பல தரப்பினருக்கு நாம் வழங்கிய வசதிகளின்பால் உமது இரு கண்களையும் நீர் செலுத்தாதீர். அவர்கள் குறித்து நீர் கவலைப்படவும் வேண்டாம். நம்பிக்கையாளர்களுக்கு உமது (பணிவெனும்) இறக்கையைத் தாழ்த்துவீராக!’ (15:88)

‘நம்பிக்கையாளர்களில் உம்மைப் பின் பற்றுவோருக்கு உமது (பணிவெனும்) இறக்கையைத் தாழ்த்துவீராக!’ (26:215)